Basta ‘n cin de luna
par catar la giusta strada
a no perderse de nòt
co’ se torna verso casa.
Basta ‘l sol che scalda
par far cresser al forment
fin che spighe ben cargàde
le se piega sot al vent;
Basta ‘n poc de piova
sula suta e arsa tèra
par far nasser an fior
quando riva primavera;
Basta ‘na parola
par qualcun che resta sol,
a iutarlo ‘n pochetin
quando forte dol al cor!
Basta al soriso
tela cuna de ‘n putèl,
par far sì che ‘l mondo
ne pare ‘n cin pì bel!
Basta na preghiera
che da in fondo ‘l cor parte
par meterte la forzha
e gran speranzha darte!
Rino Budel
0 commenti