Ve conte volentieri anca questa, parchè la é na “eccellenza” (adess i dis così quando che le robe le é fate ben), na “eccellenza” taliana.

Entra in camp l’Ospedal  “Bambin Gesù”, par tosatei, a Roma e l’azienda Artech  di Cavezzo in provincia di Modena.  Te l’ospedal de Roma e te la azienda de Modena lavora  omi taliani insieme i fa come an miracol .An putin de 16 mesi riva al Bambin Gesù, co na grave infesion all’apparato circolatorio che se era propagada a tut al torace. Pore piciol! E pensé ai genitori, ai nonni! I dotori, primi al mondo, i decide de correr al riscio:  sostituir al cor de Lorenzo co na pompa de titanio  e intant i speta che rive an cor vero. Al cor vero e san al riva dopo 15 dì e Lorenzo l’é salvo e al sta ben.

Questo capita a Roma, all’ospedal del Bambin Gesù, e a Cavezzo di Modena succedelo che? Al coresin de titanio che à salvà Lorenzo, l’é rivà dagli  Stati Uniti, ma a farlo rivar senza perder temp al Bambin Gesù, l’é stat l’azienda Artech di Cavezzo ( Emilia Romagna). Na lotta contro al temp che a vist i operai della ditta lavorare dì e not par salvar al tosatel.

Incó la Artech la vive le sofferenze del terremot; i so uffici, da quel sabo not, i é seradi par i gravi danni subidi e dovone iutarli a tirarse in pié parché torne a esser na “eccellenza” taliana.

Giovanna Dal Molin

[hr]