La storia la ne dis che San Martìn
par cuèrder da la pioca ‘n porecàn,
senza pernsarghe gnanca ‘n s-ciantenìn,
l’à fat, an dì, doi toc del so gabàn.
Par ricordàr sto sior tant generoso,
sul Nevegàl, do sot al Visentìn,
a à batedà ‘n albergo assai grazioso
col nome de sto Santo: “San Martìn”.
L’è ‘n albeghèt indove che ‘l cliente
al vien tratà pì mejio che in fameja.
“E’ un posticin calduccio ed accogliente”
Insoma proprio bel, ‘na meraveja!
Ma co i te porta ‘l conto, porcocàn,
sarà cambià la storia, no lo so,
no l’è pì ‘l Santo a darte ‘l so gabàn,
ma ti che te ghe lassa ‘l paletò!
Però l’è cussì bel in promavera
gustar an goto drio le so verande
che mi ghe lasse, infati, volentiera
anca i calzèt, le braghe e le mutande.
Ugo Neri
0 commenti